Sulmuesi kuqezi Armando Sadiku mund të jetë së shpejti pjesë e një ekipi të ri. Futbollisti që është pjesë e spanjollëvetë Levantes kërkohet nga ekipi turk Caykur Rizespor. Klubi e preferon në radhët e tij 27-vjeçarin, i cili nuk ka kaluar një kohë aspak të qetë në gadishullin iberik.
Transferimi i tij në Turqi do të jetë i vlefshëm për klubin nga Valencia pasi Sadiku do t’u sjellë në arkat e tyre 1 milionë €, ndërsa zyrtarët turq janë të gatshëm të kënaqin ëdo kërkesë të sulmuesit shqiptar. Sadiku nuk e ka gjetur veten në Spanjë pas gjysmë viti dhe një kalim në Turqi do t’i hapë rrugën drejt gjetjes së golave.
