Skuadra azerbajxhanase e Karabakut është nisur drejtë Shqipërisë, ku ditën e mërkurë do të përballet me Kukësit në “Loro Boriçi” në takimin e parë të vlefshëm për raundin e dytë të Ligës së Kampionëve.
Padyshim që skuadrën nga Azerbajxhani në këtë udhëtim do ta udhëheqë mbrojtësi shqiptar Ansi Agolli. Në faqet azerbajxhanase ka qarkulluar së fundmi një foto e Agollit nga aeroporti i Bakusë me pasaportën shqiptare, gati për të udhëtuar drejt Tiranës.
Ditën e nesërme trajneri Gurbanov do të dalë para mediave për të zhvilluar konferencën për shtyp, ndërsa më pas skuadra e Karabakut do të zhvillojë stërvitjen e fundit në stadiumin “Loro Boriçi”.
