Futbollisti i Partizanit Alban Sulejmani ka ndërmend të kthehet te ekipi i zemrës Renova në Maqedoni. Sulmuesi 20-vjeçar që mbërriti nga polakët e Legia Varshavës sezonin e fundit nuk e gjeti asnjëherë veten te “Demat e Kuq”. Edhe pse pati pritshmëri të mëdha për të shpërthyer në Shqipëri, parashikimet e lojtarit u rrëzuan shpejt pasi në harkun kohor të një viti regjistroi vetëm 7 takime në kampionatin shqiptar.
Por kalimi te ekipi i ligës maqedonase është komplikuar pasi lojtari do të tërheq me vete dokumentacionin nga kryeqytetasit, por kontrata 4-vjeçare e detyron të jetë në pronësi të Partizanit.
