Real Madrid duket se e ka zgjidhur dilemën se kush do të jetë zëvendësuesi i Ronaldos pas largimit të tij drejt Juventus në transferimin më të bujshëm të verës.
Sipas të përditshmes spanjolle “AS”, Florentino Perez po mendon t’ia kalojë rolin e liderit jo vetëm në fushë por edhe në marketing pikërisht uellsianit Gareth Bejl i cili në këtë mënyrë mbyll dyert e një largimi të mundshëm nga “los blancos”.
Megjithatë kjo nuk do të thotë që madrilenët do të heqin në këtë mënyrë dorë nga blerja e sulmuesit të Chelsea-t Eden Hazard, por nga drejtuesit ai nuk shihet të ketë kapacitetin e mjaftueshëm në marketing për t’u krahasuar me portugezin.
