Kampioni i Kupës së Botës N’Golo Kante me siguri që këtë triumf do t’ia dedikojë vëllait të tij të madh, Niama, i cili vdiq pak ditë përpara se të fillonte turneu. Lojtari i Chelsea-t ka qenë një nga shtyllat e Francës në mesin e fushës gjatë Botërorit. Por gjatë suksesit të Francës, ai me siguri ka qenë tepër i mërzitur që nuk ka ngritur kupën përpara vëllait të tij Niama.
Ai ka vdekur pas një arresti kardiak përpara se të fillonte turneu. Një pjesëtar i një familjeje të madhe të përbërë nga katër motra dhe katër vëllezër, Kante është mbështetur nga familja për të kaluar këtë moment të vështirë të jetës së tij.
Diskret dhe i përulur, parisieni ka treguar karakter të fortë për të kaluar këtë moment të vështirë dhe për të triumfuar në Kupën e Botës.