Marc Marquez vazhdon të imponojë ligjin e tij në Moto Grand Prix. Pole position i 9-ti radhazi për pilotin spanjoll të Repsol Hondas në Sachsenring, Çmimin e Madh të Gjermanisë i cili është cirkuiti i tij i preferuar përsa i përket pistave në Europë.
Me kohën 1 minutë 20 sekonda e 270 të mijtat, Marquez la pas të gjithë rivalët, duke lënë pas në sekondat e fundit edhe Danilo Petruccin me Pramac Ducantin i cili ishte protagonisti i madh i këtyre provave, por me vetëm 25 të mijtat më shumë se kampioni në fuqi i botës, italiani do të niset nga vendi i dytë në garën e të dielës.
I treti u pozicionua Jorge Lorenzo i cili konfirmoi formën e mirë të Ducatit pasi xhiroja e tij e shpejtë ishte vetëm 57 të mijtat e sekondit më e ngadaltë se ajo e Marc Marquez. Nga radha e dytë në Sachsenring do të nisen Vinales i ndjekur nga Dovizioso dhe Rossi.Ndërsa në 10-shen e parë janë edhe Crutchlow, Iannone, Bautista dhe Pedrosa.