Nuk bëhet fjalë vetëm për një pagesë prej 60 milionë eurosh bruto në vit për 4 vjet, ose 100/120 milionë për kartonin e lojtarit. Transferimi i Cristiano Ronaldo-s sjell me vete edhe shpenzime të tjera të rastit që Juventusi duhet ti marrë parasysh: Nëse realizon goditjen e shekullit, në fakt, Andrea Agnelli e di se ekipi duhet të depozitojë një komision të rëndësishëm edhe për Jorge Mendes që përveçse është agjenti i lojtarit, ai po luan edhe rolin e ndërmjetësit në këtë operacion bombastik.
DETAJET – Nëse Real Madrid do të binte dakord të shiste Ronaldon, atëherë Juventusi do të duhej të paguante jo më pak se 10 milionë euro vetëm për Mendes. Një “taksë” pothuajse e detyrueshme sepse përfaqëson 10% të kostos së transferimit, mund të jetë edhe pak më e lartë dhe ende duhet të fiksohet në detaje. Por sigurisht, Mendes lëviz vetëm kur bëhet fjalë për miliona dhe Juventusi është gjithashtu e gatshme ta kryejë këtë marrëzi ekonomike në mënyrë që të transferojë Cristiano Ronaldon. Shifra të çmendura, por kur bëhet fjalë për Ronaldon, atëherë cdo gjë merr kuptim.