Daniel Ricciardo ka deklaruar se ende nuk ka firmosur rinovimin e kontratës me makinën Red Bull edhe pse kjo gjë pritej të ndodhte pas garës së Hungarisë, ku piloti australian u rendit i katërti. Në këtë garë, Ricciardo u vlerësua si “piloti më i mirë”. “Jam i kënaqur me vendin e katërt në Hungari, pasi 3 të parët ishin më të shpejtë”, tha piloti australian, që është ende të një skuadre kompetitive për sezonin e ardhshëm të Formula 1.
“Tani nuk e kam mendje te kontrata e re, përkundrazi, do të shijoj pushimet, pasi kam shumë nevojë për to në këto momente. Jam i lodhur nga shumë gjëra, në pistë dhe jashtë saj, ndaj kam nevojë për energji të reja. Ndaj nuk e di se çfarë do të ndodhë në të ardhmen time, nëse do të qëndroj te Red Bull apo jo. Nuk kam firmosur ende asgjë. Situata është ende e ndërlikuar dhe shpresoj që gjërat të qartësohen sa më shpejt”, tha Ricciardo.
