Transferimi i tij te Barcelona bëri bujë të madhe mediatike, për mënyrën se si u realizuam, por duket se për brazilianin Malcom nuk ka ende paqe. Kjo pasi trajneri i katalanëve, Ernesto Valverde duket se nuk e ka aprovuar aspak këtë transferim, të kryer nga drejtuesit e klubit.
“Malcom është një lojtar që klubi e ka ndjekur prej kohësh dhe javën e kaluar ata vendosën ta blejnë. Nëse do të tregojë formë të mirë, do të luajë”, deklaroi Valverde, ndjeshëm i zhgënjyer për këtë afrim.
Kjo pasi tekniku spanjoll kishte kërkuar blerjen e brazilianit të Chelseat, Willian dhe nuk ka qenë aspak dakord për të sjellë te Barcelona talentin e Bordosë.
Malcom kërkohej nga shumë skuadra gjatë verës, por teksa gjeti akordin për t’u transferuar te Roma dhe u nis për në kryeqytetin italian, Barcelona ngriti ofertën dhe i ndërroi destinacionin.
