Ka përfunduar me një fitore të thellë takimi mes Prishtinës dhe Europa-s, e vlefshme për turin parakualifikues të Europa League. Një rezultat i thellë ky që tregon dominimin e plotë të ekipit të drejtuar nga Mirel Josa, që çon kosovarët në fazën tjetër.
Takimi u mbyll që në pjesën e parë falë tre golave të realizuar nga kryeqytetasit, të cilët nuk e ulën ritmin as në fraksionin e dytë të lojës, duke realizuar edhe dy herë të tjera me Januzin dhe Pefqelin, për rezultatin përfundimtar 5-0 në favor të bardhebluve.
Prishtina tashmë do të ndeshet në fazën tjetër me klubin nga Luksemburgu, Fola Esch, një kundërshtar plotësisht i kalueshëm, të paktën në letra.
Përgatiti:AlpeNews.al
