Një goditje e dyfishtë për të lënë pa frymë dhe një ofertë prej 110 milionë euro, që Chelsea’s do t’i kishte pëlqyer patjetër. Por fatkeqësisht, aludimi i “Daily Mail”, sipas të cilës, Real Madrid kishte përgatitur një ofertë të parefuzueshme për dyshen e Bluve të Londrës, Willian dhe Courtois, është përgënjeshtruar nga madrilenët, përmes medias spanjolle shumë pranë klubit Los Blancos, “Marca”. Sipas kësaj të fundit është saktësuar se Real Madrid është shumë i interesuar për Courtois dhe shpreson të finalizojë tratativën në shumën 35 milionë euro. Willian? No, gracias.
E vërtetë apo strategji? Vështirë të dhuhet ndonëse është logjike të pritet një goditje e fuqishme dhe e rëndësishme nga ana e presidentit të Real Madrid, Florentino Perez, që duhet të rifitojë mbështetjen e tifozerisë madrilène, të cilës i mungon Cristiano Ronaldo, i transferuar te Juventus. Çështja është se kur saktësisht do të lëvizë Real Madrid, sepse koha nis të ngushtohet dhe në orët e fundit kanë mbërritur sinjale jo shumë optimist. Për shembull nga Bayern vjen refuzimi për Lewandowski, ose nga PSG, nga ku Tuchel ka sqaruar se Cavani qëndorn në Paris.
