Aleksandr Golovin ishte një pikat e referimit të kombëtares ruse në suksesin e jashtëzakonshëm në Botërorin e shtëpisë, ku vendasit arritën deri në çerek-finale për herë të parë në histori si shtet më vete.
Kjo bëri që shumë klube Europiane të viheshin në kërkim të tij në merkato, me londinezët e Chelsea që ishin në vijën e parë për shumë kohë.
Por mesa duket “blutë” e kanë humbur betejën për rusin i cili ka zgjedhur Monakon në kampionatin francez për të vijuar karrierën. Klubi nga principata do të paguajë plot 30 milionë Euro për shërbimet e 22-vjeçarit, i cili pritet të firmosë kontratën ditën e premte.