FIFA po bën publike të gjithë të nominuarit për “The Best” në të gjitha kategoritë. Sot, në orën 14:00, FIFA shpalli kandidatët për këtë çmim në kategorinë e trajnerit më të mirë (meshkuj), ndër të cilët figurojnë emra që drejtojnë skuadra të mëdha europiane në rang klubi, por edhe kombëtare.
Të nominuarit janë Massimiliano Allegri (Juventus), Stanislav Cherchesov (Rusi), Zlatko Daliç (Kroaci), Didier Deschamps (Francë), Pep Guardiola (Manchester City), Jurgen Klopp (Liverpool), Roberto Martinez (Belgjikë), Diego Simeone (Atletico Madridit), Gareth Southgate (Angli), Ernesto Valverde (FC Barcelona) dhe Zinedine Zidane (Real Madrid).
La Liga është kampionati me më shumë prezenca, me tre trajnerë (Zidane, Valverde, Simeone), e ndjekur nga Premier League, me Guardiola dhe Klopp, si dhe Seria A me një përfaqësues, Massimiliano Allegri. Pjesa tjetër janë trajnerë, të cilët morën pjesë në Kupën e Botës së kësaj vere, si Cherchesov me Rusinë, Daliç me kombëtaren kroate, Roberto Martinez me “Djajtë e Kuq” belgë, Southgate me Anglinë dhe Deschamps me kampionen e re të botës, Francën.
OFFICIAL | The nominees for #TheBest FIFA Men’s Coach 2018:
Massimiliano Allegri
Stanislav Cherchesov
Zlatko Dalic
Didier Deschamps
Pep Guardiola
Jurgen Klopp
Roberto Martinez
Diego Simeone
Gareth Southgate
Ernesto Valverde
Zinedine ZidaneFor the period 3 July 2017-15 July 2018 pic.twitter.com/BTD5E48lXh
— FIFA.com (@FIFAcom) July 24, 2018
