Partizani është mundur nga Maribori në “Selman Stermasi”, ndërsa trajneri Skënder Gega është shprehur për RTSH-në se kjo ishte një ndeshje e mirë dhe optimizmi është i madh për të ardhmen.
“Patjetër që një humbje si kjo e vështirëson kualifikimin. Gjithçka shkoi siç kishim planifikuar. Maribori është një ekip i mirë dhe e ne e dinim këtë gjë. Mendoj se koha është shumë e shkurtër. Nuk kanë dhënë të gjithë 100 për qind. Kemi ende kohë. Synimi ynë është kampionati i ardhshëm.
Ndeshja e kthimit? Është situatë tjetër. Ëshët e vështirë por do mundohemi të bëjmë më të mirën. Do e shof ndeshjen me shumë qetësi, do analizoj. Jemi optimistë për të ardhmen”, është shprehur Gega.
