Dy javë pas shkarkimit të Jorge Sampaoli nga detyra e trajnerit të Argjentinës, është vendosur që në vendin e tij të jetë një trajner i përkohshëm. bëhet fjalë për Lionel Scaloni, i cili do të drejtojë Messin me shokë në ndeshjet e ardhshme të kombëtares argjentinase, duke qenë edhe shefi i dyshes Pablo Amiar e Martin Tocalli, të cilët 24 orë më parë ishin caktuar në stafin drejtues.
Scaloni, në të shkuarën ka drejtuar kombëtaren U-17 të Argjentinës, ndërsa tani do të drejtojë kombëtaren e parë në miqësoret e ardhshme që ky ekip do të zhvillojë në përgatitjet për Kupën e Amerikës. Një mision i vështirë për 40-vjeçarin Scaloni, që ka për detyrë rikthimin e besimit të fansave te kombëtarja e Argjentinës, pas dështimit në Botërorin “Rusi 2018”.
Federata e Futbollit të Argjentinës (AFA) ka deklaruar se do të marrë vendimin përfundimtar për trajnerin e kombëtares pas disa muajsh, pasi të kryejë disa konsultime me kandidatët.
