Fakti që e nisi ndeshjen finale të Superkupës nga stoli nuk është sinjal se Luka Modric do të largohet nga Real Madrid, përkundrazi. Drejtori sportiv i ekipit “merengues” Emilio Butragueno ka konfirmuar se mesfushori kroat nuk ka për të shkuar tek Interi, duke i mbyllur derën transferimit të tij tek Interi.
“Nuk ka asnjë çështje “Modric” dhe ju konfirmoj se lojtari është i kënaqur që do të vazhdojë të luajë me ne edhe sezonin e ardhshëm”, tha Boutragueno, duke mbyllur mundësinë e transferimit të nën-kampionit të botës te skuadra zikaltër.
Ditët e fundit është përfolur se do të jetë mesfushori danez Christian Eriksen (Tottenham) ai që do të shkojë tek Real Madrid në vend të Modric, por tashmë konfirmohet se asnjë lëvizje “big” nuk do të ndodhë më në merkaton e verës.
