Skuadra e Shkëndijes është ndalur mbrëmjen e sotme në “Philip II Arena” nga Rosenborgu, takim në të cilin kuqezinjtë janë mundur me rezultatin 2-0, ndërkohë që rezultati i sfidë së parë ishte 3-1, duke çuar në 5-1 rezultatin e përgjithshëm.
Sigurisht që një mbështetje e fortë për kuqezinjtë ishin tifozët. Edhe pse Shkëndija ishte duke humbur, të paktë qenë ata tifozë të cilët lanë shkallët e stadiumit pa përfunduar takimi, ndërkohë që tifo-grupi “Ballistët” kanë qëndruar në këmbë duke brohoritur derisa gjyqtari ka njoftuar fundin e takimit.
Edhe pse kuqezinjtë kanë mbyllur këtu ëndrrën europiane, skualifikimi i tyre ishte i ndershëm kjo sepse fati mbrëmjen e sotme nuk ishte në krahun e tyre, ndërkohë që miqtë shfrytëzuan situatën e krijuar në fund dhe mundën të kalonin në avantazh duke shënuar dy gola të shpejtë dhe vënë “kapakun” kualifikimit për në fazën tjetër të Europa Leagues.