“Ky nuk ishte Real Madrid i vërtetë, njëlloj sikurse nuk ishte as Manchester United i im. Të dy skuadrave u mungonin shumë futbollistë, madje edhe një kampion bote si Varane … Ata kishin në përbërje shumë futbollistë nga ekipi i dytë, nuk janë ende në gjëndje që të testojnë veten”. Kështu e ka komentuar trajneri portugez, Jose Mourinho paraqitjen e Real Madrid në përballjen ndaj Manchester United.
Ndërkohë, “Special One” ka folur edhe për largimin e Cristiano Ronaldo nga Real Madrid, e gjithashtu ka dalë në mbrojtje të ish-trajnerit të përfaqësueses së Spanjës, Lopetegui, i akuzuar si “tradhëtar”, për shkak se nënshkroi me “Los Blancos” ndërkohë që ndodhej në Rusi me ekipin kombëtar, vetëm dy ditë përpara fillimit të Kupës së Botës. “Është e natyrshme që Madrid do t’i mungojë ai, por Reali është më i madh se çdo futbollist. I uroj fat Lopeteguit. E njoh atë prej 21 vitesh dhe është një trajner i madh. Kur unë nënshkrova me Real Madrid, isha ende te Inter dhe madje fitova trofeun e Champions League. Nuk u bëra më pak profesionist për shkak të asaj firme”, deklaroi Mourinho në mbrojtje të trajnerit aktual të Real Madrid.
