Kevin Strootman pritet t’i bashkohet Marseillet. Holandezi sot do t’i kryejë testet mjekësore për klubin francez, pasi Roma e pranoi ofertën prej 25 milionë eurove plus bonuse.
Strootmani nuk është i lumtur me largimin nga Roma aspak. Ai ka shpërthyer në lot pasi u largua nga qendra stërvitore e Romës për herë të fundit dje, shkruan II Messaggero.
Lojtari e kishte planifikuar që ta përfundojë karrierën si futbollist në “Olimpico” dhe të vendoset përfundimisht në kryeqytetin e Italisë, mirëpo drejtuesit e Romës e kishin të pamundur refuzimin e Ofertës së Marseilles pasi sipas tyre oferta ishte shumë e mirë.
Tifozët e Romës janë ndarë të pakënaqur me vendimet e klubit për t’i shitur Strootmanin, Alissoni dhe Nainggolanin në këtë afat kalimtar.
Strootman është pjesë e Romës që nga viti 2013 kur u transferua nga PSV-ja, që nga atëherë holandezi i ka bërë 131 paraqitje dhe ka shënuar 13 gola. Ai sot do të nënshkruajë kontratë katërvjeçare me francezët, ku do t’i përfitojë 4.5 milionë euro për stinor.
