Wayne Rooney beson se Jose Mourinho ka një plan për të përmbysur situatën delikate të Manchester United. Ekipi i tij u mposht 3-2 nga Brighton fundjavën e kaluar, ndërsa ditën e hënë do të luajë ndaj Tottenham, një ndeshje shumë e rëndësishme.
Por sulmuesi i DC United, Rooney, golashënuesi më i mirë i historisë së United, ka mbështetur ish-trajnerin e tij, duke thënë se ai do ta përmbysë situatën.
“Ekipi ka kualitet, thjesht duhet të shtyjnë përpara,” shprehet Rooney për CNN.“Mourinho e di se çfarë po bën dhe se si fitohen titujt. “Jam i sigurt se ka kualitetin e nevojshëm në skuadër për të luftuar për titullin kampion.”
