Tashmë është zyrtare që Albi Alla nuk e ka rinovuar kontratën me Kukësin. Futbollist mund të lëvizë me parametër zero në çdo skuadër që dëshiron. Me përfundimin e përfaqësimit në kompeticionet europiane ka mbaruar dhe qëndrimi i 25-vjeçarit në Kukës. Klubi verilindor bëri të pamundurën të rinovonte me pogradecarin, por nuk arriti ta bindte pasi lojtari e pa që nuk ishte më ndër lojtarët kryesorë të Kukësit për shkak të konkurencës.
Lojtari po kërkohet me insistim nga Flamurtari, i cili dështoi të merrte mbrojtësin Cuculi që zgjodhi Kukësin. Alla ka hyrë në bisedime me vlonjatët dhe sipas “Supersport” ai është pranë kalimit te kuqezinjtë.
