Andrea Dovizioso triumfon në San Marino duke fituar Çmimin e Madh. Ky ishte suksesi i tretë për italianin në sezonin e kampionatit botëror të MotoGP. Dovizioso e fitoi garën duke kaluar vijën e finishit përpara Honda-s së Marquez dhe Honda të Crutchloë, 3 xhiro pas rënies dramatike të Lorenzo dy xhiro nga fundi. Një garë e cila, edhe një herë, konfirmoi hendekun e qartë që u krijua gjatë këtij sezoni mes çiftit Honda-Ducati dhe pjesës tjetër të grupit, Yamaha në krye. Një garë që u dominua nga Ducati për pjesën më të madhe, me Jorge Lorenzo, i cili ishte në vendin e dytë deri në xhiron e parafundit, kur ka gaboi dhe doli nga pista. Nga rrëzimi i tij përfitoi spanjolli i Honda-s, Marc Marquez, i cili u ngjit në vendin e dytë të podiumit.
Në San Marino zhgënjeu Valentino Rossi, i cili ka dalë në vendin e shtatë, shumë larg nga lufta për podium. Yamaha është motori me më shumë fitore në këtë cirkuit, që nga koha kur është kthyer të jetë pjesë e kalendarit, me gjashtë fitore kundrejt katër të Honda-s. Ducati, para garës së sotme, kishte fituar vetëm një herë këtu, 11 vite më parë me Stoner. Çmimi i Madh i San Marino u zhvillua dy javë, pasi dështoi ai i Britanisë për shkak të reshjeve të shiut. Kjo do të ishte xhiro e 13, nëse do të ishte zhvilluar edhe gara dy javë më parë. /EDS/
**************************
Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.