Heroi i Kombëtares së Rusisë në rrugëtimin e tyre drejt çerekfinaleve të Kupës së Botës, Denis Cheryshev, është duke u hetuar edhe nga një agjenci tjetër për doping, pasi që babai i tij, në një intervistë, kishte bërë të ditur se Cheryshevi kishte marrë injeksione, për të përmirësuar performancat e tij gjatë këtij turneu.
Pas ndeshjes së parë që Kombëtarja e Rusisë luajti që nga turneu i Kupës së Botës, Telegraph Sport raportoi se Cheryshevi ishte duke u hetuar nga një agjenci spanjolle për doping, ndërsa më herët ishte hetuar edhe një agjenci tjetër ruse
Mesfushori, i cili muajin e kaluar u transferua në Villareal, ishte detyruar t’i mohojë këto akuza gjatë kësaj vere, veçanërisht pas komenteve të babait të tij, Dmitrit. Këtë gjë e kishte bërë përmes gazetës ruse Sport Weekend.
Unioni i Futbollit të Rusisë kishte bërë të ditur se trajtimi që kishin marrë lojtarët e Kombëtares së Rusisë gjatë Kupës së Botës ishte plotësisht i ligjshëm, si dhe kishin thënë se gazetari i cili e kishte intervistuar babanë e Cheryshevit i kishte keqinterpretuar fjalët e këtij të fundit.
Drejtoresha sportive e përgjithshme i Agjencisë Ruse Kundër Dopingut, Margarita Pakhnotskaya, ka zbuluar se ata i kishin intervistuar edhe Cheryshevin edhe babanë e tij, pas Kupës së Botës, dhe ia kanë dërguar një raport homologëve të tyre në Spanjë.
Tani, agjencia spanjolle është duke i kërkuar Cheryshevit t’i paraqesë dokumentet që vërtetojnë se injeksionet që ai kishte marrë gjatë turneut së Kupës së Botës në Rusi janë të ligjshme.
