Lazio nuk e ka nisur shumë mirë kampionatin në këtë sezon, ku ka humbur me Napolin në shtëpi dhe Juventusin në transfertë, ndërsa në javën e tretë ka mundur Frosinonen me rezultatin e ngushtë 1-0. Megjithatë drejtori sportiv, Igli Tare duket se e ka gjetur një mesfushor të talentuar dhe bëhet fjalë për brazilianin Bruno Vinicius Souza Ramos, i njohur si Bruno Tabata.
21 vjeçari aktivizohet te Portimonense, ndërsa e ardhmja e tij shumë shpejtë mund të jetë Lazio. Mbtet për t’u parë nëse do të transferohet ky futbollist, edhe pse vetë lojtari për momentin ka thënë se ndihet mirë te skuadra e vendit të tij dhe nuk dëshiron të largohet, mirëpo një “joshje” mund ta sjellë mesfushorin në kryeqytetin italian.
