Vlera e markës së Interit është dyfishuar gjatë vitit të fundit, dhe tani gjiganti italian vlen trefish më shumë sesa në epokën e Erick Thohirit.
Sipas llogaritjeve të gazetës italiane “La Gazzetta dello Sport”, zikaltrit tani renditen në vendin e 13-të në Europë sa i përket vlerës së markës së klubit, 389 milionë euro në total.
Kjo shifër është dyfishi i asaj që ishte regjistruar në vitin 2017, dhe tri herë më shumë se në vitin 2016, para se Thohir t’ia shiste 70% të aksioneve të klubin Grupit Suning.
Një vit më parë, Interi gjendej në vendin e 28-të në ranglistat europiane, por tani renditet i 13-ti, duke iu afruar Juventusit në vendin e 11-të.
Megjithatë, këto statistika tregojnë se sa mbrapa kanë mbetur klubet e Serisë A, krahasuar me ato të Premierligës, kur bëhet fjalë për vlerën e tyre.
Për shembull, Tottenham Hotspur është në vendin e 10-të, marka e të cilit ka vlerën 626 milionë euro, gati dyshimi i vlerës së Interit.