Miralem Pjanic tremb tifozët e Juventus. Gjatë ndeshjes së Ligës së Kombeve, të luajtur dhe të fituar nga Bosnja e tij kundër Irlandës së Veriut, mesfushori bardhezi ka dalë nga fusha i dëmtuar, shtatë minuta para fundit.
Trajneri i Bosnjes, Robert Prosinecki, tha në fund të ndeshjes: “Pjanic e kërkoi ndërrimin sepse u dëmtua. Për momentin nuk mund të them cila është shkalla e dëmtimit dhe nëse do të luajë apo jo në ndeshjen tonë të radhës.”
Nesër do të mësohet nëse mesfushori do të humbasë vetëm ndeshjen e ardhshme të Bosnjes ndaj Austrisë, apo do të ketë nevojë për një pushim më të gjatë.