Juventusi e ka nisur shumë mirë sezonin 2018-2019-të, duke i patur të gjithë ndeshjet fitore. Megjithatë kampionët e Italisë nuk duan të ndalen me kaq. Drejtuesit e skuadrës po tentojnë të sjellin në skuadër mesfushorin Paul Pogba, që për momentin nuk i ka aspak mirë marrëdhëniet me Manchester United, por në veçanti me trajnerin Jose Mourinho.
Ndërkaq “Zonja e Vjetër” e di shumë mirë se duhet të ketë një mesfushë dominuese dhe për këtë fakt kërkon një tjetër marrëveshje. Sikurse raporton “Tuttosport”, Adrien Rabiot është një tjetër objektiv. Mirëpo për francezin e interesuar është edhe Barcelona. Lojtari nuk ka dëshiruar të rinovojë kontratën me kampionët e Francës, ndërsa tani gjithçka mbetet në dorën e menaxherëve dhe drejtuesve të skuadrave.
