Kur të gjithë prisnin që trajneri Ze Maria të dilte para mediave për të folur pas takimit të humbur me Laçin me rezultatin 1-0, në korridoret e stadiumit “Selman Stermasi” ka ndodhur e papritura. Në lidhjen direkte të Supersport nga impianti gazetari ka bërë të ditur se tekniku Ze Maria nuk ka pranuar të flasë për kamerat duke deklaruar thjesht se “Unë largohem”.
Ndërkohë gazetari i Supersport ka shtuar se menjëherë pas fërshëllimës së gjyqtarit Hamiti në fundin e ndeshjes, Ze Maria është larguar në mënyrë urgjente drejt dhomave të zhveshjes, ku janë dëgjuar të bërtitura dhe përplasje të forta sendesh dhe dyersh, që tregon gjendjen e trazuar që ka pushtuar bardheblutë pas kësaj humbje me kurbinasit.
