Roberto Mancini ka insistuar se skuadra e tij nuk synon vendin e parë në grupin e Ligës së Kombeve. Trajneri italian ka deklaruar se qëllimi i Italisë është përgatitja për Evropianin 2020.
“Rrugëtimi im ka nisur në muajin maj dhe objektiv kryesor ka qenë gjithmonë që të përgatitemi për kualifikueset e Evropianit 2020”, ka thënë trajneri italian në konferencën për shtyp. “Kur filluam, plani ka qenë që ta rindërtojmë skuadrën dhe të bëjmë paraqitje të mira në Ligën e Kombeve, kjo është e gjitha. Është një punë kolosale, kërkon kohë, nuk është e thjeshtë, por jemi duke u përpjekur që të krijojmë grupin që mund të bëj gjëra të mëdha në Evropianin 2020”.
Kombëtarja e Italisë nuk njeh fitore që prej vitit të kaluar, dhe deri më tani në Ligën e Kombeve ka barazuar 1-1 me Poloninë dhe ka humbur nga Portugalia 1-0, ku nesër pritet të luajë ndeshjen e kthimit kundër portugezëve.
