Milani arriti të fitojë me rezultatin 3-2 ndaj Sampdorias të shtunën në kuadër të javës së 10-të në Serie A.
Gennaro Gattuso shpërtheu në fund të ndeshjes, pasi ishin konfirmuar 4 minuta lojë shtesë, kaluan edhe disa sekonda deri sa u dëgjua fishkëllima e fundit të gjyqtarit kryesor.
Mirëpo Gattuso u vërsul menjëherë drejt gjyqtarit të katërt, duke bërtitur për arsyen që nuk ishte përfunduar ndeshja në minutën e katërt, pasi Sampdoria kishte topin në pronësi.
Kjo ishte një fitore e rëndësishme e Milanit, pas dy humbjeve me radhë, dhe nevrikosja e Gattusos në fund tregon për rëndësinë e madhe që kishte kjo fitore, për t’iu afruar sa më shumë zonës së Ligës së Kampionëve.