Mamaja dhe motra e çiklistit britanik që u vra gabimisht nga një gjahtar teksa ishte në Alpet franceze, kanë befasuar me deklaratat e tyre.
Mark Sutton, 34, vdiq pasi një gjahtar e mori në shënjestër gabimisht, ndërkohë që ndodhej në resorin e skive të Montriond. Pas këtij lajmi vijnë deklaratat shokuese të nënës dhe motrës së tij, që shprehen jo vetëm të lehtësuara me vdekjen e tij, por urojnë me gjithë shpirt qe ai të kalbet në ferr. Motra e çiklistit, Katie Toghill ka thënë se tani mund të merrte frymë e lehtësuar, pasi ajo e quante atë një përbindësh që e kishte përdhunuar që kur ishte fëmijë. “Më vjen mirë që ka vdekur. Ai ishte një përdhunues. Kur dëgjova se ishte vrarë ndjeva lehtësim, hoqa një barrë të madhe nga shpina. U lehtësova vetëm sepse ai nuk mund të dëmtojë më asnjë njeri. Kanë qëlluar një kafshë të vërtetë, sepse ai ishte ashtu.”- tha ajo.
Ndërsa nëna e tij, Katrina shkon edhe më tej me deklaratën e saj te fort qe ka bërë në Facebook: “Unë shpresoj që të kalbesh në ferr Marc Thomas Sutton. Pikëllimi im i vetëm është që vdiqe menjëherë. Për çdo person që e lexon këtë dua të them se unë nuk jam duke bërë shaka, por jam nëna që e lindi atë. Ky njeri ishte përbindësh. Plumbi kishte për qëllim një kafshë. Dhe gjuetari mori shenjë të mirë. Karma.”
