Luka Modric vazhdon të jetë në mendimet e Interit. Pas përpjekjes së dështuar gjatë kësaj vere, kroati vazhdon të jetë objektiv kryesor.
Raporti me Lopetegui nuk ka lulëzuar ende, kurse me Zidane, nga ana tjetër, ishte një tjetër gjë; Për më tepër, as rezultatet nuk ndihmojnë në këtë aspekt. Florentino dëshiron të rinovojë me ish-lojtarin e Tottenham, por ai po heziton. Dhe këtu hyn në lojë Inter.
Në janar ose verën tjetër, zikaltërit vazhdojnë të ëndërrojnë kroatin dhe janë në pritje të ndonjë lajmi. Gjithçka varet, sigurisht, nga rinovimi: nëse rinovon për një sezon të mëtejshëm me Los Blancos, atëherë çdo gjë ka përfunduar; por nëse nuk arrihet ndonjë marrëveshje, telenovela mund të pasurohet me një episod të ri.
