Çështja “Xhisiela” ka nxitur një debat të madh në vendin tonë për vajzën nga Fushë-Kruja që fillimisht pretendonte se ishte përdhunuar nga djali i një deputeti të Partisë Socialiste, Rexhep Rraja, ndërsa më vonë mohoi atë që kishte thënë për mediat duke krijuar një lëmsh të vërtetë. Para dy ditësh, në shtëpinë e gjyshit të saj pati një shpërthim me lëndë eksplozive nga persona ende të paidentifikuar.
Vetë Xhisiela Maloku shprehu hapur indinjatën e saj teksa theksoi se autorë të këtij sulmi, ishin njerëz të porositur nga opozita. Një herë kundër mazhorancës e kësaj radhe duke akuzuar drejtpërdrejtë Partinë Demokratike. Pikërisht për qëndrimet e saj të lëkundura, ka reaguar edhe futbollisti i njohur i Teutës, Ditmar Bicaj. Ish-qendërmbrojtësi i Flamurtarit përmes një komenti në rrjetet sociale kritikon dhe ironizon Xhisielën duke shkruar: “I paska lëshuar pëllumbat kjo”.
