Mesa duket sezoni i Giacomo Bonaventura-s ka përfunduar pasi në Itali raportojnë se Milan do ta dërgojë në Shtetet e Bashkuara të Amerikës për të kryer operacionin.
Kuqezinjtë janë takuar me agjentin e mesfushorit Mino Raiola ditën e hënë, duke folur për Zlatan Ibrahimovic si dhe për planin e rikuperimit të Bonaventura-s.
Sipas Sky, dy palët kanë vendosur ta dërgojnë lojtarin e përfaqësueses italiane në Pittsburgh për të kryer operacionin në gju. Ai do të trajtohet nga i njëjti specialist që shëroi Ibrahimovic kur ai pësoi dëmtimin e rëndë në gju gjatë kohës kur luante te Manchester United.
Fatkeqësisht, koha e rikuperimit të Bonaventura-s mendohet të jetë shtatë deri në tetë muaj, që do të thotë se sezoni i tij është mbyllur.
