Më në fund duket se Maradona po tregon se mund të bëjë magji edhe si trajner, pas dështimeve në Argjentinë po Emiratet Arabe.
Ish-Pibe de Oro është një hap larg ngjitjes në Liga MX në Meksikë, sepse të enjten në mbrëmje ekipi i tij Dorados de Sinaloa fitoi 1-0 finalen e vajtjes në play-off kundër Atletico San Luis.
Një gol nga Rivera në minutën e 73-të siguroi fitoren që vlen shumë për Dorados, sepse në ndeshjen e kthimit do të mjaftojë barazimi për t’u ngjitur në elitë.
🚀🚀🚀 ZURDAZO DE @edsonrv19 Y ADENTRO ‼️ pic.twitter.com/EctLnD3aGT
— #ConElPezEnLaFinal (@Dorados) November 30, 2018
Maradona e mori Dorados në vendet e fundit të renditjes në sezonin e rregullt, e kualifikoi për në play-off me 7 fitore, 2 barazime e 1 humbje dhe në 11 ndeshjet e fundit ka humbur vetëm një herë, 1-0 ndaj Juarez në gjysmëfinale, humbje pa pasoja sepse fitorja 2-0 në vajtje siguroi kualifikimin.