258 atletë janë skualifikuar nga gjysmëmaratona në Shenzen të Kinës pasi kanë bërë me hile gjatë garës.
16 mijë persona kanë marrë pjesë në një prej 1 mijë maratonave që mbahen në Kinë vetëm sivjet. Disa prej hileqarëve i kanë rënë për shkurt maratonës, ndërsa disa të tjerë kanë paguar vrapues që të marrin pjesë në emër të tyre.
“Na vjen keq për shkeljen e rregullave gjatë garës. Vrapimi në maratonë nuk është vetëm ushtrim, por metaforë për jetën dhe çdo vrapues është përgjegjës për veten”, kanë thënë organizatorët pas garës. Në videot e kamerave të trafikut shihen disa atletë duke i rënë shkurt për 3 kilometra të garës. Në mashtrimet tjera, sipas Xinhuas, fotografitë nga gara shfaqin se dy vrapues kanë bartur të njëjtin numër.