Prej 10 ditësh kombëtarja e drejtuar nga trajneri Viron Toska dhe stafi i tij është përgatitur në qytetin e Korçës, ku është stërvitur dy herë në ditë. Shqipëria ka luajtur 4 ndeshje deri më tani në këtë event, duke i humbur të gjitha ndeshjet, madje me rezultate të thella: Dy takimet ndaj Rusisë dhe nga një ndeshje me Hungarinë e Lituaninë. Për pasojë, Shqipëria ndodhet në vendin e fundit në grup dhe dy përballjet e fundit janë thjesht për statistikë, pasi nuk pritet ndonjë mrekulli.
Kjo ndeshje do të transmetohet “LIVE” edhe nga ekrani sportiv i TELESPORT.
Lista e kombëtares: Eliverta Bujari, Xhesika Toska, Klea Verri, Elektra Zykaj, Enxhi Xhanaj, Ornela Lalaj, Gera Bujari, Jelena Nikpaljevic, Adelajda Aliaj, Aida Palko, Dea Hasanaj, Silvi Sinani, Sara Gjoni.
Trajner: Viron Toska; Zv.trajnere: Ledina Koçi
Ndeshjet e Shqipërisë në Grupin C
Shqipëri – Rusi, 37-122
Hungari – Shqipëri, 137-48
Shqipëri – Lituani, 61-119
Rusi – Shqipëri, 148-35
17 nëntor, Shqipëri – Hungari, ora 17:00
21 nëntor, Lituani – Shqipëri, ora 17:30
