Boksieri shqiptrar, Haxhi (Robin) Krasniqi, mbrojti titullin e kampionit të Evropës (EBU) në kategorinë super të mesme, pasi mposhti spanjollin Ronny Landaeta me vendim të gjyqtarëve pas 12 raundeve.
31-vjeçar festoi fitoren e 49-të në karrierë nga 54 duele të zhvilluara, kurse për Landaetan kjo ishte humbja e parë në karrierë.
Krasniqi shprehu dëshirën fillimisht që ta mbronte titullin ndaj Stefan Hartel, por ai u tërhoq për shkak të një sëmundjeje në stomak, kurse pak ditë para duelit Landaeta u prezantua si kundërshtar.
“Unë kam respekt të madh për këtë kundërshtar, ai ka pranuar të luftojë për një kohë kaq të shkurtër. E kam marrë atë shumë seriozisht, sepse e dija qw do tw ishte shumë e vështirë ndaj tij. I falënderoj të gjithë për përkrahjen”, – deklaroi Krasniqi pas duelit.
Haxhi Krasniqi është një prej boksierëve më të mirë në historinë moderne të boksit gjerman.