Vazhdon telenovela Anthony Martial. Pas shumë diskutimeve për të ardhmen e lojtarit dhe pas këshillimeve me trajnerin Mourinho, drejtuesit e Manchester United kanë vendosur të “blindojnë” lojtarin.
Për të bindur francezin të qëndrojë në “Old Trafford”, drejtuesit e “djajve të kuq” janë gati t’i ofrojnë 22-vjeçarit rinovimin e kontratës për 5 vjet, me një pagë prej 11 milionë eurosh në sezon. Për lojtarin, kontrata e të cilit skadon në qershor, ka kohë që interesohet Interi.
Vlen të theksohet se francezi po kalon një formë mjaft të mirë muajt e fundit dhe për këtë është shpërblyer me grumbullimin në kombëtaren e “gjelave”, nga trajneri Didier Deschamps.
