Rekordet janë bërë për tu thyer, por kur ai vendoset nga një 5 vjeçar merr një tjetër jehonë. Rahim Kurayev, i quajtur “Schwarzenegger çeçen” është një nga talentet më të rinj në Rusi. Edhe pse në moshën 5 vjeçare, ai zotëron cilësi mbresëlënëse. Kurayev ka arritur të bëj plot 4.105 ulje-ngritje (pompa) brenda 2 orë dhe 25 minutash, sipas ministrit të sporteve në Çeçeni, Musa Khanarikov.
“Rahim Kurayev bën sport gjatë gjithë kohës, i cili e lejoi atë të bënte 4,105 ulje-ngritje në 2 orë e 25 minuta pa u ndalur. Është një rekord botëror. Schwarzenegger tonë çeçen, siç e quajnë atë, ia kushtoi rekordin e tij kreut të Republikës Çeçene, Ramzan Akhmadovich Kadyrov.”- tha Khanarikov
Video është shpërndarë në internet, ku duket qartë që i riu çeçen zotëron cilësi të mira të forcës dhe qëndrueshmërisë, ndërsa në mënyrë të rastësishme shikon imazhe të ndryshme në telefonin e tij.
Rekordi Guiness në këtë disiplinë mbahet nga Jarrad Young, me australianin që ka kryer rreth 2 806 ulje-ngritje në gusht të këtij viti. Megjithatë, libri i këtyre rekordeve nuk i referohet të dhënave të moshës së Rahimit, me 5 vjeçarin që humb një rast të artë për të gdhendur me shkronja të arta emrin në librin Guiness.
