Zhoze Murinjo, tashmë i njohur për tipin e tij ironik në lidhje me gazetarët, ka dalë para mediave në ‘Mestalla’ ku skuadra e tij luan sonte ndaj Valencias në takimin e fundit n grupe për Ligën e kampionëve. Ashtu si edhe herët e tjera, as këtë radhë nuk kishte si të mungonte ‘spektakli’ i Murinjos në konferencën për shtyp.
I pyetur nga gazetarët në lidhje me Pogban dhe arsyen se përse Murinjo nuk po arrin të marrë më të mirën nga ai, tekniku portugez ka zgjedhur të thotë se nuk i pëlqen pyetja. Sakaq, edhe në lidhje me deklaratat e agjentit të tij, Mendez ku thotë se Murinjo nuk ka plan të largohet, tekniku portugez u shpreh i habitur.
“Pse nuk po i nxjerr më të mirën Pogbas? Mendoj se pyetja juaj nuk është ajo që unë dua të përgjigjem ose ajo të cilën dua të dëgjoj. Domethënë pyetja jote nuk më pëlqen.
Atëherë, pse nuk po shohim më të mirën e Pogbas këtë sezon? Ju mund ta bëni pyetjen në një mënyrë tjetër. Nuk po më pëlqen mënyrë se si e bën pyetjen.
Deklaratat e Mendez
Cilat deklarata? Unë nuk di asgjë për deklarata. Ato mund të jenë vetëm deklarata por nuk i kam thënë unë, kështu që nuk më intereson”, u shpreh Murinjo.
