Pas 3 triumfeve të njëpasnjëshme dhe historike në Champions League, Real Madrid duket sikur po shkon drejt një revolucioni ku priten të bëhen shumë ndryshime.
Mbrëmjen e djeshme skuadra e Santiago Solarit u shkatërrua me rezultatin 3-0 përballë CSKA Moscow-s por arriti të mbajë vendin e parë në Grupin G.
Menjëherë pas ndeshjes nuk janë kursyer kritikat e shumta nga tifozët madrilenë të cilët janë të zhgënjyer.
“Ky Real është një skuadër plehrash”, ka qenë komenti i një tifozi. Të tjerë kanë shkuar më tej: “Një skuadër e re pa të ardhme”.Ka edhe nga ata që kanë publikuar reagimin e Zidane pas golit të CR7 në “Allianz Stadium” vitin e kaluar për të shprehur habinë e tyre pas dështimit në “Bernabeu”.