Interi është vënë në kërkim të një portieri për të zëvendësuar 35-vjeçarin slloven, Samir Handanoviç.
Zikaltërit kanë vendosur që të mos t’i ofrojnë rinovimin portierit aktual dhe po kërkon për gardianë të tjerë për të mbrojtur portën e tyre. Mes të përmendurve, është edhe portieri i Kombëtares sonë, Tomas Strakosha. Portieri shqiptar, ka qenë prej kohësh në radarët e Interit, që pas rinovimit të Areolës me PSG-në, duket se do të bëjë ç’të jetë e mundur për të sjellë shqiptarin në “San Siro” gjatë merkatos së verës.
