Andreas Pereira ka folur për performancën e tij te Manchester United. Mesfushori i njohur ka kërkuar publikisht pak minuta më shumë në formacion, pasi ndihet më në formë se kurrë për të dhënë maksimumin.
Ai luajti mbrëmë kundër Valencias, ndeshje që përfundoi me rezultatin 2-1 në favor të spanjollëve. Pas takimit, Pereira deklaroi:
“Dua të luaj më shumë. Jam duke tentuar që ta bëj më të mirën për çdo javë. Ka qenë një gjë shumë e mirë për mua që luajta në këtë ndeshje. Në fillim ishte e vështirë për shkak të ritmit të ndeshjes, por unë dhashë më të mirën. Mendoj se nga ndeshja në ndeshje do të përmirësohesha”, përfundoi ai.
