Trajneri i Skënderbeut, Orges Shehi, është shfaqur i mërzitur në intervistën e tij për “Supersport” pas humbjes me Kamzën, që është e katërt radhazi për korçarët.
Humbja e katërt radhazi, problem teknik apo psikologjik?
Mendoj se është muaj i mallkuar për ne. Na vjen keq që mundemi me gjysmë rasti.
E keni menduar dorëheqjen?
Nuk kam asgjë për të sqaruar. Çdo njeri ka të drejtë të mendoj. Them se është çështje që nuk ia vlen të diskutohet.
Ndikon që skuadra është e dënuar në Europë?
Nuk mendoj se është ai shkaku kryesor. Skuadra stërvitet dhe luan mirë. Nëse do ta kishin mirë nuk do të stërviteshin mirë. Në disa ndeshje nuk kemi pasur shpirt gare, ua thashë edhe çunave. Kemi ngërç psikologjik. Në fillim kishim besim, sidomos çunat e rinj. Ndoshta ana psikologjike është ajo që na ka dëmtuar.
