Dereck Chisora dhe Dillian Whyte do të luftojnë sonte në Arenën 02 të Londrës në një rimeç, i cili mund ta përcaktojë se cili do të jetë kundërshtari i ardhshëm i Anthony Joshuas për tre titujt në kategorinë e rëndë të boksit, IBF, WBA dhe WBO.
Do të jetë një rimeç mes rivalëve të moçëm, njëri nga Londra veriore e tjetri nga ajo jugore, transmeton Gazeta Express.
Kur kjo dyshe luftoi dy vite më parë, në dhjetor 2016, Whyte doli fitues pas një vendimi kontrovers. Tre gjyqtarët votuan si në vijim: 115-113, 115-114 dhe 114-115.
Çmimi që njëri prej tyre do ta fitojë sonte më gjasë do të jetë mundësia për ta sfiduar kampionin e kategorive IBF, WBA, WBO, Anthony Joshuan.
Në këtë rast, Joshua do të luftonte për t’i mbrojtur të tre brezat.
Meçi mes Chisora dhe Whyte nis rreth orës 23:00, sipas kohës sonë lokale.
