Bashkëshortja i ka shpëtuar jetën mbrojtësit të Kardifit, Sen Morrison. 28-vjeçari po kalonte një moment të tmerrshëm teksa ndihej i dobët fizikisht dhe nuk e kuptonte se ku qëndronte problemi i gjendjes aspak normale të tij. Stejsi, bashkëshortja e anglezit, është treguar vigjilente duke telefonuar urgjencën më të afërt për t’u konsultuar me mjekun.
Pas konsultës së shpejt me mjekun, mbrojtësi i Kardifit është futur urgjent në sallën e operacionit. Sipas mjekut, nëse futbollisti do të kishte mbërritur 45 minuta më vonë në spital, pasojat do të kishin qenë fatale, pasi bëhet fjalë për një problem serioz.
Në qoftë se ka një person që Morrison duhet të falenderojë më së shumti për jetën e shpëtuar, ajo është bashkëshortja e tij Stejsi.
