Trajneri i përfaqësueses shqiptare, Kristian Panuçi vazhdon mbikëqyrjen dhe zbulimin e elementëve të rinj. Së fundmi, emri më i përfolur është ai i argjentinasit Tomas Guidara. Mbrojtësi 22-vjeçar, i cili është me prejardhje shqiptare dhe aktivizohet në kampionatin e Argjentinës me Belgranon.
Tekniku kuqezi pritet të takohet me mbrojtësin e djathtë ku do të diskutojnë rreth mundësisë për të veshur fanellën kuqezi. Në pritje të bisedës më trajnerin Panuçi, Guidara ka qenë protagonist ditën e djeshme në ndeshjen miqësore që skuadra e tij luajti përballë Rosarios.
Koha e rregull u mbyll me shifrat e barabarta 1-1, teksa nga kjo miqësore duhet të dilte një fitues, kësisoj skuadrat iu drejtuan penalltive. Belgrano arriti të fitonte me rezultatin 4-2, teksa i vetmi që gaboi ishte pikërisht Guidara.
Gjithsesi për fat të mirë, penalltia e humbur nga mbrojtësi me origjinë shqiptare nuk ndikoi ndaj ekipi i tij ngriti trofeun simbolik, duke e nisur vitin në mënyrën më të mirë të mundshme.
