Sulmuesi kroat Mario Mandzukic, mund ta mbyllë karrierën e tij te skuadra e Juventusit, ku zbarkoi në vitin 2015 dhe që prej 3 sezonesh ka shkëlqyer në fushë, duke pushtuar zemrat e tifozëve dhe fituar besimin e trajnerit Allegri. Për këtë arsye, bardhezinjtë janë gati t’i rinovojnë kontratën deri në vitin 2022 sulmuesit 32-vjeçar, që në këtë mënyrë do ta mbyllte karrierën në Torino.
Kontrata aktuale e Mandzukic skadon në verën e vitit 2020, kur ai do të jetë 34 vjeç, ndaj bardhezinjtë janë gati t’i ofrojnë edhe dy vite të tjera kontratë. Lojtari, nën-kampion i botës me Kroacinë, ka bërë një paraqitje të shkëlqyer këtë sezon me Juventusin, duke realizuar 9 gola në 21 ndeshje që është aktivizuar këtë sezon, kampionat e Champions League.