Leonardo po mundohet që në të gjitha drejtimet të kompletojë skuadrën, në mënyrë që të krijojë një Milan konkurrues për fazën e dytë të kampionatit italian.
Së fundi në Itali është zbuluar se drejtori brazilian është vënë në kontakt me drejtuesit e Juventus për të mbyllur marrëveshjen për transferimin e Medhi Benatias. Mbrojtësi do të largohet nga “Zonja e Vjetër” dhe për të janë të interesuar klube të mëdha si Arsenal dhe Borussia Dortmund.
Por, Leonardo po shfrytëzon kanalin që u krijua nga shkëmbimi i madh i merkatos së verës Higuain-Bonucci-Caldara. Milan po përgatit një ofertë për mbrojtësin maroken, që nëse arrihet të kompletohet si marrëveshje mund të përfitojë edhe një ulje të vlerës së kartonit të Higuain.